Нумизматикалык музейге экскурсия жана финансылык сабаттуулук боюнча лекция
Кыргыз Республикасынын улуттук валютасы – сомдун жүгүртүүгө киргизилгендигинин 30 жылдыгын белгилөөгө карата Улуттук банк Бишкек шаарынын № 10, 4, 98, 99, 3 кесиптик лицейлеринин окуучулары жана окутуучулары үчүн нумизматикалык музейге экскурсия уюштуруп, финансылык сабаттуулук боюнча лекция өткөрдү.
Экскурсияда Кыргызстанда табылган бардык белгилүү жана уникалдуу монеталардын типтери коюлган экспонаттар көрсөтүлүп, кыргыз сомунун калыптануу тарыхы, ошондой эле жакынкы жана алыскы чет өлкөлөрдүн коллекциялык монеталары тууралуу айтылды.
Иш-чаранын катышуучулары финансылык сабаттуулук боюнча кошумча лекция угушту, анда Кыргызстандын калкынын финансылык сабаттуулугун жогорулатуу, каражатты сарамжалдуу колдонуу, топтоо маданияты, финансылык коопсуздук жана финансылык сабаттуулукту жогорулатуу боюнча Улуттук банктын ресурстары тууралуу маалымат берилди.
Басып чыгарууга 
