Кыргыз Республикасынын Улуттук банкы калктын финансылык сабаттуулугун үчүнчү улуттук изилдөөнүн жыйынтыгын чыгарды
Кыргыз Республикасынын Улуттук банкы ЕККУнун Бишкектеги Программалык кеңсесинин колдоосу менен 2025-жыл ичинде өлкөнүн эресеге жеткен калкынын финансылык сабаттуулугун үчүнчү улуттук изилдөө боюнча ишин аяктады.
Изилдөө жарандардын финансылык сабатуулугун жогорулатуу боюнча иш-чаралар алкагында Экономикалык кызматташуу жана өнүктүрүү уюмунун эл аралык методикасы боюнча жүргүзүлгөн. Буга чейин ушул сыяктуу изилдөөлөр 2017 жана 2021- жылдары өткөрүлгөн.
2025-жылды изилдөөнүн жыйынтыгы боюнча, Кыргызстанда финансылык сабаттулуктун жалпы көрсөткүчү 2021-жылга салыштырганда 4 пайызга көбөйүп, 20дан 11,8 баллды түздү. Ошондой эле Кыргыз Республикасынын учурдагы көрсөткүчү Экономикалык кызматташуу жана өнүктүрүү уюмунун 2023-жылдагы финансылык сабаттуулук боюнча эл аралык изилдөөсүнө ылайык, Венгрия, Италия жана Литва сыяктуу кирешеси жогору болгон айрым мамлекеттердин тиешелүү көрсөткүчтөрүнөн ашкан.
Алынган маалыматтардын негизинде, финансылык билим деңгээли жана финансылык иш-аракетинин көрсөткүчтөрү 2021-жылга салыштырмалуу, тиешелүүлүгүнө жараша, 10 жана 3 пайызга жогорулады. Ошол эле учурда, респонденттердин узак мөөнөттүү финансылык маселелерге болгон мамилесинин субъективдүү баасы болуп саналган финансылык каражаттарга карата мамиленин көрсөткүчү 8 пайызга төмөндөдү.
Базалык параметрлерден тышкары, изилдөө финансылык бакубаттуулук, финансылык туруктуулук, санарип финансылык сабаттуулук жана финансылык жеткиликтүүлүк көрсөткүчтөрүн да камтыйт.
Изилдөөнүн жыйынтыгы менен шилтемедеги 
басылмадан кененирээк таанышууга болот.
Басып чыгарууга 
