Финансылык сабаттуулук боюнча тренингдердин экинчи этабы старт алды
2024-жылдын 8-октябрында финансылык сабаттуулук боюнча тренингдердин экинчи этабы старт алды.
Тренингдер Улуттук банк тарабынан менен ЕККУнун Бишкектеги программалык кеңсесинин биргеликте Кыргыз Республикасынын билим берүү жана илим министрлиги колдоосу менен өткөрүлүп жатат.
2024-жылдын октябрь айынын ичинде Баткен, Жалал-Абад жана Ош областтарынын жаштары үчүн 20 тренинг өткөрүлөт.
Биринчи күнү Баткен областынын Кызыл-Кыя шаарындагы Т. Кулатов атындагы Кызыл-Кыя Тоо-кен техникалык колледжинин жана Кызыл-Кыя медициналык колледжинин студенттери үчүн тренингдер өткөрүлдү.
Окуучуларды өз каражатын туура пайдаланууга үйрөтүү, финансылык продукттардан жана кызмат көрсөтүүлөрдөн, анын ичинде электрондук кызматтардан пайдалануу жөнүндө маалымат берүү, ошондой эле алардын инвестициялоо, салык, камсыздандыруу жана финансылык коопсуздук маселелери боюнча финансылык билимин өркүндөтүү тренингдин максаты болуп саналат.
Маалымат катары:
Тренингдердин биринчи этабы 2024-жылдын май айында Ысык-Көл, Нарын, Талас жана Чүй облустарында жаштар үчүн өткөрүлгөн. Ага 358 окуучу катышты.
Басып чыгарууга 
