Финансылык сабаттуулук боюнча тренингдердин экинчи этабы башталды
2025-жылдын 21-октябрында ЕККУнун Бишкектеги Программалык кеңсеси менен кызматташуунун алкагында жана Кыргыз Республикасынын Илим, жогорку билим берүү жана инновациялар министрлиги колдоосу менен аймактарда финансылык сабаттуулук боюнча бир күндүк семинарлар башталды. Алгачкы эки семинар Талас областынын Талас шаарында Талас Агрардык экономикалык колледжинин жана Талас медициналык колледжинин окуучулары үчүн өткөрүлдү.
Семинарлардын жүрүшүндө катышуучулар жеке бюджет, каражат топтоо, кредиттөө, инвестициялоо, финансылык коопсуздук, керектөөчүлөрдүн укуктарын коргоо, салыктар жана камсыздандыруу темалары боюнча интерактивдүү форматта финансылык билим алышат.
Мындай семинарлар финансылык жактан сабаттуу муунду калыптандыруу, алардын финансылык туруктуулугун жана бакубаттуулугун камсыз кылуу үчүн маанилүү.
Басып чыгарууга 
