Кыргызстанда Глобалдык акча жумалыгы – 2026 башталды
2026-жылдын 30-мартында Улуттук банк Ж.Баласагын атындагы Кыргыз улуттук университетинде финансылык сабаттуулук боюнча жыл сайын өткөрүлүүчү «Глобалдык акча жумалыгы – 2026» кампаниянын башталышына арналган иш-чара өткөрдү.
Иш-чаранын алкагында финансылык сабаттуулук боюнча финансылык пландаштыруу, каражат топтоо, кредиттөө, ислам каржылоо принциптери, санариптик финансы технологиялары, инвестициялык инструменттер жана финансылык коопсуздукту камсыздоо сыяктуу актуалдуу темалар презентациялар болду. Мындан тышкары, интерактивдүү оюндар, сынактар жана викториналар өткөрүлдү.
Берилген маалымат жаштарга финансы маселелеринде туура багыт алууга, алдамчылык операцияларга жол бербөөгө жана жалпысынан финансылык алгылыктуу чечимдерди кабыл алууга жардам берет. Натыйжада бул алардын финансылык туруктуулугун жана финансылык бакубаттуулугун жакшыртат.
Иш-чарага Кыргыз Республикасынын Депозиттерди коргоо боюнча агенттигинин, Кыргыз Республикасынын Ички иштер министрлигинин, «Кыргызстан банктар союзу» ЮЖБнын, «Альфа Телеком» ЖАКтын, «Кыргызстан жаштар кыймылы» КФнын, коммерциялык банктардын жана башка финансы уюмдарынын өкүлдөрү катышты.
Иш-чарага катышуучулардын жалпы саны 350гө жакын адамды түздү.
Басып чыгарууга 
