Улуттук сом – улут сыймыгы
Кыргыз Республикасынын Улуттук банкынын Ош областтык башкармалыгынын кызматкерлери 2026-жылдын 15-майында өткөн «Улуттук сом – улут сыймыгы» көргөзмөсүнө катышты. Кыргыз Республикасынын улуттук валютасынын жүгүртүүгө киргизилгендигинин 33 жылдыгына карата экспозиция «Сулайман Тоо» улуттук тарыхый-археологиялык музей комплекси тарабынан уюштурулган.
Көргөзмөнүн салтанаттуу ачылышына «Сулайман Тоо» улуттук тарыхый-археологиялык музей комплексинин кызматкерлери, коммерциялык банктар, жалпыга маалымдоо каражаттарынын өкүлдөрү жана Ош шаарынын жогорку окуу жайынын студенттери катышышты.
Мындан тышкары, Кыргыз Республикасынын улуттук валютасынын киргизилгендигинин 33 жылдыгын майрамдоонун алкагында, Ош областтык башкармалыгынын кызматкерлери М. Адышев атындагы Ош технологиялык университети тарабынан уюштурулган Эл аралык илимий конференциянын конокторунун катарында болушту.
Басып чыгарууга 
