Финансылык сабаттуулук боюнча тренингдер
2025-жылдын 18-19-март күндөрү Ош шаарында Улуу Британияга сезондук жумуштарга кетип жаткан 60тан ашык адамдын катышуусунда финансылык сабаттуулук боюнча тренингдер өткөрүлдү. Иш-чара Кыргыз Республикасынын Эмгек, социалдык камсыздоо жана миграция министрлигине караштуу чет өлкөлөрдөгү жарандарды иш менен камсыз кылуу борбору тарабынан Эл аралык Миграция уюмдун (МОМ) колдоосу менен жана Кыргыз Республикасынын Улуттук банкы менен биргеликте Кыргыз Республикасынын жарандары үчүн сапар алдындагы окутуунун алкагында уюштурулду.
Тренингдин жүрүшүндө катышуучулар жеке каржыны натыйжалуу башкаруу, каражат топтоолорду түзүү, депозиттик жана кредиттик продукттары пайдалануу, инвестициялоо, электрондук финансылык кызматтарын пайдалануу, ошондой эле финансылык коопсуздук чаралары, керектөөчүлөрдүн укуктарын коргоо, салыктар жана камсыздандыруу жөнүндө толук маалымат алышты.
Мындан тышкары, катышуучулар Улуу Британияда ишке орношуунун финансылык аспектилери менен таанышышты, анын ичинде эмгек акыны эсептөө жана төлөө, салык салуу жана салыктарды кайтарып алуу мүмкүнчүлүктөрү тууралуу маалымат берилди.
Мындай окутуу иш-чаралары эмгек мигранттарын даярдоонун маанилүү этабы болуп саналат, аларга кабыл алуучу өлкөнүн экономикалык шарттарына көнүүгө жана өздөрү жана алардын үй-бүлөлөрү үчүн финансылык туруктуулукту камсыз кылууга жардам берет.
Басып чыгарууга 
