Финансы жарманкеси Ош шаарында
Кыргыз Республикасынын Улуттук банкы 2026-жылдын 2-апрелинде Глобалдык акча жумалыгы -2026 кампаниясынын алкагында Ош шаарындагы Ош мамлекеттик университетинде финансы жарманкесин өткөрдү, ага Бишкек шаарындагы ЕККУнун Программалык кеңсесинин, Кыргыз Республикасынын Ички иштер министрлигинин, Кыргыз Республикасындагы Депозиттерди коргоо агенттигинин, коммерциялык банктардын, микрофинансылык жана башка уюмдардын өкүлдөрү катышты.
Финансы жарманкесине катышкан ЖОЖдордун окутуучуларына жана студенттерине, жаштарга, орто мектептердин окуучуларына, Ош шаарынын тургундарына жана конокторуна финансылык сабаттуулуктун негиздери, депозиттерди коргоо системасы, финансылык коопсуздукту камсыздоо, ишкердик ишмердүүлүк эмнеден башталат деген актуалдуу темалары боюнча презентациялар сунушталды, ошондой эле финансылык сабаттуулук боюнча практикалык мини-тренинг өткөрүлдү.
Финансылык жарманкеде коммерциялык банктар жана финансылык уюмдар тарабынан катышуучуларга базалык банктык кызмат көрсөтүүлөр: банктык эсептерди жана коммерциялык банктардын төлөм карталарын ачуу боюнча маалыматтар, ошондой эле келип чыккан маселелер боюнча консультациялар берилди.
Мындан тышкары, интерактивдүү оюндар, сынактар жана викториналар өткөрүлдү. Жарманкенин активдүү катышуучулары, ошондой эле сынактардын жана викториналардын жеңүүчүлөрү атайын сыйлыктар менен сыйланышты.
Финансы жарманкесине 600гө ашык адам катышты.
Басып чыгарууга 
