Колледждин студенттери үчүн экскурсия

2025 Жалган куран айынын 05 жарыяланды

2025-жылдын 5-мартында Ж.Баласагын атындагы Кыргыз улуттук университетинин колледжинин "Банк иши" багытынын 2-курсунун студенттери үчүн Кыргыз Республикасынын Улуттук банкынын нумизматикалык музейине экскурсия болуп өттү.

Студенттер уникалдуу байыркы монеталар, Кыргыз Республикасынын улуттук валютасы - кыргыз сомунун калыптанышынын 30 жылдык тарыхы жана Кыргыз Республикасынын нумизматикалык мурасынын көптөгөн башка экспонаттары менен таанышышты, ошондой эле финансылык сабаттуулук боюнча лекцияны угушту, анын жүрүшүндө Кыргызстандын калкынын финансылык сабаттуулук, каражат топтой билүү, финансылык коопсуздук деңгээли жана Улуттук банктын финансылык сабаттуулукту жогорулатуу боюнча ресурстары тууралуу маалымат берилди.