Ош областында финансылык сабаттуулук боюнча көчмө лекциялар
Улуттук банктын Ош областтык башкармалыгынын кызматкерлери «Глобалдуу акча жумалыгы – 2025» иш-чарасынын алкагында 2025-жылдын 8-10-апрель күндөрү «Акылың болсо башында, акчаң болот капчыкта» деген ураан менен Өзгөн районуна караштуу С. Эшматов атындагы №38 орто мектептин окуучулары, Өзгөн шаарындагы Б. Мурзубраимов атындагы Эл аралык Өзгөн технологиялык жана билим берүү институтунун студенттери, Ноокат районундагы «Ноокат билимканасы» лицей-интернатынын жана Ноокат шаарындагы М. Гапаров атындагы окуу-тарбия комплексинин окуучулары, Алай районунун «Тилектеш» айыл аймагынын жашоочулары жана Алай районунун №1 М. Адышов атындагы орто мектебинин окуучулары үчүн атайын көчмө лекцияларды уюштуруп, лекциянын жүрүшүндө улуттук валютанын өнүгүү этаптары, улуттук валютанын коргоо белгилери, кредит, депозит, каражат топтоо, ошондой эле жаштардын финансылык алдамчылыкка тартылуусун алдын алуу жөнүндө маалымат берилди.
Көчмө лекцияларга 500гө жакын адам катышты.
Басып чыгарууга 
