Баткен областындагы аппаратынын кызматкерлери үчүн көчмө семинар
Калктын финансылык сабаттуулук деңгээлин жогорулатуу максатында Кыргыз Республикасынын Улуттук банкынын Баткен областындагы өкүлчүлүгү 2025-жылдын 21-ноябрында Кыргыз Республикасынын Президентинин Баткен облусундагы ыйгарым укуктуу өкүлүнүн аппаратынын кызматкерлери үчүн көчмө семинар өткөрдү.
Семинардын жүрүшүндө улуттук валютанын калыптануу тарыхы, акчага кылдаттык менен мамиле кылуу, финансылык пландаштыруу, финансылык максаттарды коюу, эсептешүүлөрдө QR-кодду колдонууну жайылтуу тууралуу маалыматтар айтылды, ошондой эле «Түндүк» тиркемеси аркылуу кредит алууга өзүнө-өзү тыюу салууну активдештирүү жана чектөөнү алып салуу боюнча маалыматтар берилип, жол-жобосу көрсөтүлдү.
Мындан тышкары катышуучуларга киберкоопсуздук эрежелери, кибер коопсуздуктан коргонуу ыкмалары, алдамчылык иш-аракеттерге каршы сактык чаралары боюнча да маалыматтар берилди.
Басып чыгарууга 
